Published On: Fri, Jan 9th, 2015

Charlie Hebdo: Attackers ko maar dia gya

By Myra Ahmad

The pictures of the Charlie Hebdo Attack suspects. Released by the French police.

The pictures of the Charlie Hebdo Attack suspects. Released by the French police.

Wednesday ko Charlie Hebdo ke office par honay walay attack mein mulawis do bhayiyon ko maar diya gya ha, AFP reports ke mutabiq.

Police ne dono bhayiyon Cherif and Said Kouachi ko Friday ko Dammartin-en-Goele ke town mein aik printing house mein corner kr lia tha.

Police ne Paris mein aik kosher supermarket mein bhi chapa mara jahan aik gunmen ne un par firing ki aur at least panch (5) logon ko yarmaghal – meaning hostage – bna lia.

Reuters ki reports ke mutabiq, police assault mein gunmen ki death ho gyi. Kafi hostages ko bacha lia gya.

Police ne Amedy Coulibaly, shooter, aur us ki saathi Hayet Boumddiene ko identify kia.

Shooter ne tou police ko dhamki bhi de di keh agr Kouchi brothers ke paas aayay, tou hostages ko nuqsan puhunchaya jaye ga.

Wednesday ko 2 masked and armed gunmen Charlie Hebdo ke office mein enter ho gye jab staff apni editorial meeting mein tha, aur andha dhun firing ki, jis ki waja se 10 journalists aur 2 police officers ki death ho gyi. Kafi log injure bhi huay. Reports ke mutabiq aik gunmen ne kaha, “We have avenged the prophet. We killed Charlie Hebdo.”

Attack ke kuch hours bad, French authorities ne 3 suspect identify kiye they: Hamyd Mourad, Said Kouachi, aur Cherif Kouachi.

Wednesday ki raat ko Mourad ne apnay ap ko police station ke hawalay kr dia. Us ne kaha keh us ne apna naam news outlets aur social media par dekha tha. Mourad ke friends ne bataya keh attack ke waqt woh school me tha.

Officials ke mutabiq, Kouachi brothers ki Al Qaeda se affiliation suspected ha. Aur Cherif Kouachi ka criminal record bhi ha.

Police negotiators ne Friday ko suspects se contact krne ki koshish krte rahe they. The Associated Press ke mutabiq bhayiyon ne negotiators ko kaha keh woh “shaheed hona chahtay hein”.

News Source: The Huffington Post
Picture Source: The French Police

Mazeed news ke liye visit krte rahein www.shashca.com !

About the Author

- A medical student by profession; writer by hobby.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>