Published On: Wed, Jan 14th, 2015

Burka Avenger Emmy Kids Award ke liye nominated! \o/

By Myra Ahmad

Burka Avenger

Pakistan ki pehli animated Television series, Burka Avenger International Emmy Kids Award ke liye nominate ki gyi ha!

Nominees ki announcement 10 October ko hui thi. Burka Avenger ke creator aur director, Aaron Haroon Rashid ne apnay Twitter par bhi announce kia.

Burka Avenger is se pehlay bhi buhut se awards jeet chuka ha. Emmy award ke liye yeh series Animation category mein nominate hui. Yeh pehli dafa ha keh koi Pakistani animated series Emmy Kids Awards mein recognize hui ho.

Yeh show Unicorn Black Studios ne produce kia ha. Is ke 13 episodes Geo Tez channel par 2013 mein air huay.

Burka Avenger ki story superheroine Jiya ke gird ghoomti ha jo keh school teacher ha aur aik kala burka pehen kar zulm ke khilaaf gundo se larti ha. Jiya ka mission ha keh sab ke liye insaaf, aman aur taleem ho.

In series mein baray baray stars ne kaam kia ha, jesay Ainy Jaffri aur Hamza Ali Abbasi jo ke Burka Avenger aur Baba Bandook ki awaz hein. Mash’hoor singers jesay Ali Zafar, Haroon, Ali Azmat aur Josh ke gaanay ne bhi is ke liye gaanay gaye.

Is se pehlay Burka Avengers ne buhut ziada awards jeetay hein, jin mein “Peabody Award 2013′, ‘Gender Equality Award’ aur ‘Rising Star Award’ shamil hein.

International Emmy Kids Awards ki ceremony New York mein February 20, 2015 mein hogi.

News Source: Dawn News
Picture Source: Dawn News

Mazeed amazing news ke liye visit tou karna hoga www.shashca.com ! :D

About the Author

- A medical student by profession; writer by hobby.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>