Published On: Sat, Jan 10th, 2015

AirAsia plane ki tail mil gyi!

By Myra Ahmad

54b0d6bd2ef6f

AirAsia plane ki tail ka kuch part Java Sea par float krte huay. Is ko uthanay ke inflatable bags attack kiye gye they.

AirAsia Airbus A320 crash ke 2 weeks baad investigators ne plane ki tail Java Sea se nikal li. Investigators plane ke black boxes ko dhoond rhe they. Flight QZ8501 ke crash honay se 162 people on-board ki death ho gyi thi.

Yeh abhi clear nhi ha keh jab plane crash hua tou cockpit voice aur flight data recorders plane ki tail me hi they, ya phir detach ho gye they.

Parhein: AirAsia Crash: Ab Tak Ki Khabar

Plane ki tail taqreeban 30 meters (yani 100 feet) ki depth se nikali gyi. Tail ke sath inflatable bags attack kiye jo phool kr isay surface tak le aaye aur phir crane se lift krke isay rescue ship mein daal dia.

Friday ko waqfay waqfay se kuch ping-like sounds detect hueen jin ki site se taqreeban 1 kilometre door plane ki tail mili. Yeh clear nhi ke yeh sounds plane ke black boxes se mil rhi theen keh nhi.

Parhein: Black Box Ka Abhi Tak Koi Naam-O-Nishan Nhi! :O

Yeh possible ha keh yeh sounds black boxes se na hon. Ping location se koi metal detect nhi hua aur investigators ka kehna ha keh woh sounds ko confirm nhi kr skay.

Tail ki discovery aik bari breakthrough ha. Is search ko kharab mosam, tez hawaon, aur rough seas ki waja se bari mushkilaat ka saamna raha ha.

Pilots ka air traffic control se aakhri rabta 45 minutes after take off tha. Us mein pilots ne kaha keh aagay stormy weather ha aur unhon 32,000 feet se 38,000 feet ki bulandi par jaanay ki ijazat mangi jo us waqt heavy air traffic ki waja se nhi di gyi.

4 minutes baad plane radar se ghayab ho gya.

Friday ko 4 aur bodies recover hui hain jo keh abhi tak apni seats mein bandhi hui theen. Total recovered bodies 48 ho gyi hein.

Officials hopeful hein keh baqi bodies fuselage mein mil jayein gi. Abhi fuselage recover nhi ho ska.

CRACKDOWN

Is doran Transportation Minister Ignasius Jonan ne five airlines ka Friday ko crackdown kia, aur temporarily 61 flights suspend kr di hein keh yeh permit ke beghair fly kr rhi theen. Tamam AirAsia flights from Surabaya to Singapore bhi rok di gyi hein. Yeh wohi route tha jis par Flight 8501 fly rhi thi. Jonan ne 9 aur officials ko bhi sanction kia ha kyunke unhon ne flights ko without permit allow kia, jis se total 16 officers ho gye hein.

News Source: Dawn News
Picture Source: Reuters

Mazeed tafseelat ke liye visit krte rahein www.shashca.com ! :)

About the Author

- A medical student by profession; writer by hobby.

Displaying 2 Comments
Have Your Say

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>